बजेट स्वाधिन, सबल र सक्षम अर्थतन्त्र निर्माणमा केन्द्रित छ : मन्त्री आङ्बुहाङ

विराटनगर । प्रदेश १ का आर्थिक मामिला तथा योजनामन्त्री टंक आङ्बुहाङले संघीय सरकारले ल्याएको बजेट स्वाधिन, सबल र सक्षम अर्थतन्त्र निर्माण केन्द्रित रहेको बताउनुभएको छ ।

प्राकृतिक स्रोत, साधन र मानव संसाधनको परिचालन गरेर समाजवाद उन्मूख अर्थतन्त्र निर्माणका लागि सरकारले ल्याएको बजेट अत्यन्त राम्रो रहेको उहाँले बताउनुभयो । यसअघिका बजेटहरु बाटो, विजुली, खानेपानीलगायतका भौतिक संरचनामा केन्द्रित सिमेन्टेड मानसिकताबाट मात्र आउने गरेको भन्दै मन्त्री आङ्बुहाङले यो बजेट पूर्ण कार्यान्वयन भए मुलुकलाई समृद्धिको दिशामा लाग्ने बाटो तय गर्ने बताउनुभयो ।

स्वास्थ्योपचारमा आत्मनिर्भर बनाउने र दक्ष जनशक्ति उत्पादनका लागि स्वास्थ्य र शिक्षालाई प्राथमिकतामा राखेर बजेट आएको,’ उहाँले भन्नुुभयो ‘युवाहरुलाई उद्यमशिल बनाउन ‘स्टार्टअप’ विजनेशका लागि १ प्रतिशत ब्याजमा र सर्टिफिकेट राखेर ५ प्रतिशत ब्याजमा २५ लाखसम्म ऋण दिने व्यवस्था बजेटको राम्रो पक्ष हो ।’

यस पटकको बजेटमा प्रदेश र स्थानीय तहको अनुदानमा वृद्धि हुनु सुखद पक्ष रहेको मन्त्री आङ्बुहाङको भनाई छ । संघले दिएकै अनुदानको आधारमा प्रदेश सरकार चलेको अवस्था रहेको भन्दै उहाँले संघीय सरकारले एकल र साझा अधिकार सूचीको विषयमा स्पष्ट कानुनी व्यवस्था गरेर प्रदेशलाई सक्षमता प्रदान गर्ने बाटो खोल्नु अपरिहार्य रहेको बताउनुभयो ।

यद्यपी पछिल्लो समय देखिएको राजनितिक विकृतीले बजेट कार्यान्वयनमा भने चुनौती देखिएको बताउनुभयो । अहिलेको राजनीतिक परिस्थितिले मुलुकमा पुनः राजनीतिक अस्थिरता निम्तिए बजेट कार्यान्वयन चुनौतिपूर्ण हुने उहाँको बुझाई छ । सवै दल मिलेर बजेटको पूर्ण कार्यान्वयनमा जोड दिनुपर्र्ने उहाँले तर्क गुर्नभयो । उहाँले भन्नुभुयो,‘राजनीतिक अस्थिरता ननिम्तियाई सबै दलहरु मिलेर अघि बढ्न सके आत्मनिर्भर अर्थतन्त्र निर्माणका लागि यो बजेट सार्थकसिद्ध हुन्छ ।’

Back to top button

Adblock Detected

Please consider supporting us by disabling your ad blocker