औषधी व्यवसायी संघद्वारा निःशुल्क सिटामोल बितरण

विराटनगर । प्रदेश १ मा सिटामोलको अभाव भइरहेको बेला औषधी व्यवसायी संघ मोरङले निःशुल्क बितरण गर्न थालेको छ । संघले आफ्ना सदस्य औषधी पसलमार्फत बिरामीलाई निःशुल्क सिटामोल बितरण सुरु गरेको हो ।

संघका अध्यक्ष लक्ष्मिप्रसाद तिम्सिनाले सिटामोल आभाव भइरहेको बेला संघले आफ्ना सदस्य रहेको औषधी पसल मार्फत विरामीहरूलाई चिकित्सकले सिफारिस गरे अनुसार सिटामोल निःशुल्क बितरणको व्यवस्था गरेको बताउनुभयो ।

विराटनगरको रानीस्थित न्यू आन्नद मेडिकल हल, न्यूरो अस्पताल अगाडिको सृष्टि मेडिकल हल, हस्पिटल चौकको रामकृष्ण फार्मेशी, विराट नर्सिङ्ग ओम अगाडिको जनहित फार्मेशी, पुष्पलालचौकस्थित डिआर फार्मेशीमा ५ सय चक्की सिटामोल सर्वसाधारणलाई निःशुल्क बितरणका लागि हस्तान्तरण गरेको अध्यक्ष तिम्म्सिनाले बताउनुभयो ।

यस्तै, बुढीगंगास्थित विराट मेडिकल कलेज अगाडिको सुप्रिया औषधी पसल, नोबले अगाडिको संस्कृति फार्मेशी, तीनपैनीचौकस्थित जुगनु फार्मेशी र हाटखोला चौकस्थित सुजन फार्मेशीमा संघले सिटामोल हस्तान्तरण गरेको हो ।

‘अहिले सिटामोल नपाएर विरामीका आफन्तहरू भौतारिरहेका छन्,’ संघका अध्यक्ष तिम्सिनाले भने, ‘हामीले केही औषधी जोहो गरेर सामाजिक उतरदायित्व अन्तर्गत विरामीलाई निःशुल्क बितरणका लागि औषधी पसलहरुलाई हस्तान्तरण गरेका छौं ।’

Back to top button

Adblock Detected

Please consider supporting us by disabling your ad blocker