काठमाडौं । पूर्व प्रधानमन्त्री झलनाथ खनाल अस्पताल भर्ना हुनुभएको छ । ज्वरो आएको तथा रगतमा हेमोग्लेविनको मात्रा कम भएपछि उहाँलाई बिहान नर्भिक अस्पतालको आकस्मिक कक्षमा भर्ना गरिएको हो ।
अस्पताल स्रोतका अनुसार उहाँको अवस्था अहिले सामान्य छ । ४–५ दिनदेखि आएको ज्वरो नघटेपछि अस्पताल लगिएको हो ।
उहाँको स्वास्थ्यमा के समस्या आएको हो भन्ने बुझ्न परीक्षण चलिरहेको अस्पताल स्रोतले जनाएको छ । यसअघि कोरोना संक्रमण पुष्टि भएका खनाल लामो समय नर्भिक अस्पतालमा नै उपचार गरेर घर फर्कनुभएको थियो ।
