निर्वाचन क्षेत्रका बाढीप्रभावितलाई प्रचण्डको आश्वासन : स्थायी समाधानको लागि गुरुयोजना अघि बढाइसकेको छु

चितवन । नेकपा माओवादी केन्द्रका अध्यक्ष पुष्पकमल दाहाल प्रचण्डले आज आफ्नो निर्वाचन क्षेत्रअन्तर्गतका नारायणी नदीले डुबान र कटान गरेका क्षेत्रको स्थलगत अवलोकन गर्नुभएको छ ।

भरतपुर महानगरपालिका–२६ को सिसई क्षेत्रको अवलोकन गर्दै उहाँले नारायणी र राप्ती नदीको डुबान र कटानको समस्या स्थायी रूपमै समाधान गर्न आफूले विस्तृत गुरूयोजना बनाई काम अगाडि बढाएको र आवश्यक बजेट सुनिश्चितताको लागि पहल भइरहेको बताउनुभएको छ ।

प्रचण्डले नदी तटबन्धन र जंगली जनावरका कारण भइरहेको क्षति न्यूनिकरणका लागि अर्थमन्त्रीसँग आवश्यक बजेटका लागि कुरा गरेको बताउनुभएको छ ।

बाढीले भरतपुर महानगरपालिकाको–३ को दोभान चोक, वडा नं १६ को झनझने र वडा नं २६ को सिसईमा गरी २५० घर डुबानमा परेका थिए भने १०० बिघाभन्दा बढी खेतीयोग्य जमिन कटान गरेको छ।

Back to top button

Adblock Detected

Please consider supporting us by disabling your ad blocker