काठमाडौं। नेपाली कांग्रेसको १४औं महाधिवेशनका लागि ३८ जिल्लामा केन्द्रीय प्रतिनिधि पठाएको छ । कांग्रेसको केन्द्रीय निर्वाचन समितिले शुक्रवार ३८ जिल्लामा निर्वाचन प्रतिनिधि तोकेको निर्वाचन समितिका सचिव जगन्नाथ श्रेष्ठले जानकारी दिए ।
कांग्रेसको १४औं महाधिवेशनको प्रक्रिया यही १८ भदौबाट शुरु हुँदै छ । कांग्रेसको सबै भन्दा तल्लो तह वडा तहको अधिवेशन १८ गतेका लागि निर्धारित छ ।
निर्वाचन समितिका अनुसार समितिले तोकेका प्रतिनिधिहरुसँगै ति जिल्लाका क्रियाशील सदस्यताको सूची, निर्वाचन निर्देशिका र आवश्यक प्रशिक्षणसमेत दिइएको छ ।
‘जिम्मेवारी पाउनु भएका प्रतिनिधिहरूलाई सम्बन्धित जिल्लाको क्रियाशील सदस्यताको सूची, निर्वाचन निर्देशिका र आवश्यक प्रशिक्षणसमेत दिइएको छ, केही अझै बुझ्ने क्रममा नै हुनुहुन्छ,’ निर्वाचन समितिका सचिव श्रेष्ठले हाम्राकुरासँग भने ।
कांग्रेसमा केही जिल्लाका सभापतिहरू भने सदस्यताको सूची सार्वजनिक गरिनु पर्ने माग गर्दै पार्टी केन्द्रीय कार्यालय सानेपामा रिले अनसनमा छन् । पार्टी नेतृत्वले भने जिल्ला सभापतिको माग नसुनी निर्वाचन प्रतिनिधि तोकेर सदस्यताको सूचीसहित प्रतिनिधि जिल्ला पठाएको हो ।
कुन जिल्लामा को प्रतिनिधि ?
ताप्लेजुङ- तिलक पाण्डे
पाँचथर- मदन खड्का
सङ्खुवासभा- भरतराज उपाध्याय
तेह्रथुम- लक्ष्मणलाल रञ्जित
खोटाङ- विकास भट्टराई
सोलुखुम्बु- कैलाश गुरुङ
ओखलढुंगा- किर्तीनाथ शर्मा
उदयपुर- खुसीराम गौतम
झापा- सुवोधबाबु सिलवास
दोलखा- चक्रबहादुर थापा
रामेछाप- विष्णु लुईंटेल
सिन्धुली- लेखकबहादुर खड्का
भक्तपुर- मुकुन्द शर्मा पौडेल
लमजुङ- थानेश्वर दवाडी
तनहुँ- फणिन्द्र कोइराला
मनाङ- वसन्त रिमाल
मुस्ताङ- शिवराज वाग्ले
पर्वत- विश्वास आचार्य
म्याग्दी- विष्णुप्रसाद शर्मा
नवलपरासी (बर्दघाट–सुस्ता पूर्व)- गोविन्द सिग्देल
नवलपरासी (बर्दघाट–सुस्ता पश्चिम)- बाबुराम पाण्डेय
रुपन्देही- भूमिश्वर गौतम
रुकुम पूर्व- ईश्वरीप्रसाद ज्ञवाली
रोल्पा- सूर्यबहादुर वली
रुकुम पश्चिम- मुक्ति आचार्य
मुगु- नरेन्द्रबहादुर सिंह
जाजरकोट- सूर्यबहादुर शाह
दैलेख- विवस बस्नेत
बझाङ- चेतराज भट्ट
डोटी- राजेन्द्र जोशी
अछाम- देवराज भट्ट
दार्चुला- देवराज अवस्थी
बैतडी- पुष्पराज जोशी
डडेलधुरा- लोकेन्द्रबहादुर बम
कञ्चनपुर- भरतबहादुर सिंह
कैलाली- टेकप्रसाद सुवेदी – यो समाचार हाम्रोकुरा.कममा प्रकाशित छ।
