०३ असोज, सोमवार
शक्तिखोर, कालिका नगरपालिका
लायन्स क्लव अफ चितवन नेशनल पार्क, नेपाल नेत्रज्योती संघ भरतपुर आँखा अस्पताल, कालिका नगरपालिका वडा नम्बर ९ को कार्यालय र लायन्स क्लब अफ चितवन शक्तिखोरको संयुक्त आयोजनामा चर्तुर्मुखी माद्यमिक बिद्यालयमा निशुल्क आँखा परिक्षण शिविर संचालन गरिएको छ । शिविरमा ३१४ जनाको आँखा परिक्षण गरिएको हो जसमध्ये शिविरमा १०६ बर्षकी गंगा पाण्डे पनि हुन । शिविरको आँखा परिक्षण बाट २७ जनामा मोतियाविन्दु फेला परेको छ । त्यसमध्ये २२ जनालाई तत्कालै निशुल्क शैल्यकृयाका लागि भरतपुर आँखा अस्पतालमा व्यवस्था मिलाइएको हो । बाँकी अरु पनि शिविरबाट मोतियाबिन्दु पत्ता लागेकालाई पनि निशुल्क शैल्यकृया गर्ने ब्यवस्था गरेको लायन्स क्लव अफ चितवन शक्तिखोरका अध्यक्ष राकेश श्रेष्ठले जानकारी दिएका छन । सोही शिविरमा ५३ जनाले नेत्रदानका लागि प्रतिवद्धता फारम भरेका छन ।
कार्यक्रम कालिका नगरपालिका वडा नं ९ का वडाअध्यक्ष निलकण्ठ मगरको प्रमुख आतिथ्यतामा सम्पन्न भएको हो ।
आँखा जस्तो संवेदनशील र अत्तिनै महत्वपूर्ण अंगको बिषयमा जनचेतना जगाउन लायन्सले यस्ता कार्यहरु सदैव अगाडी बढाएको डिष्ट्रिक एक्ज्युकेटिभ कोचिफ एवं लायन्स क्लव अफ चितवन नेशनल पार्कका संस्थापक अध्यक्ष निरज श्रेष्ठले बताए । सामान्य शैल्यकृया गर्दा आँखाको दृष्टि पुन लयमा फर्कदा मानिसले पाएको सन्तुष्टी र चेतनानै हाम्रो यो कार्यक्रमको ध्येय हो श्रेष्ठले थपे ।
लायन्स क्लव अफ चितवन नेशनल पार्कका अध्यक्ष राजु कायस्थले क्लवले यस्ता थुप्रै सेवाका कार्यहरु लिएर समाजमा जाने प्रतिवद्धता ब्यक्त गरे । निशुल्क आँखा शिविर मात्र नभएर नेत्रदानलाई पनि क्ल्वले प्रार्थमिकता दिएको उनले बताए । आफ्नो कार्यकालमा कम्तिमा १०० जना नेत्रदाता जुटाउने आफ्नो क्लवको लक्ष्य रहेको कायस्थले बताए ।
कार्यक्रममा क्लष्टर चिफ ओमलाल सापकोटा लगायतको उपस्थिती रहेको थियो ।
