२२ माघ, भरतपुर
उद्योग वाणिज्य संघ चितवनले आज पूर्वकार्य योजना गोष्ठी एवम कर शिक्ष सम्बन्धि अभिमूखिकरण कार्यक्रम सम्पन्न भएको छ । संघले प्रत्येक २ बर्षको अन्तरालमा हुने नेतृत्व परिवर्तन पश्चात २ वर्षे कार्यकालको लागि योजना तर्जुमा गर्ने सम्बन्धमा वस्तुगत संघहरु संग पूर्व कार्ययोजना तर्जूमा गोष्ठीको आयोजना गरेको हो । संघले संघमा आवद्ध रहेका ३६ वस्तुगत संघहरुको सहभागितामा योजना तर्जुमा गोष्ठीका साथै कर शिक्षा कार्यक्रमको आयोजना गरेको हो । गोष्ठीलाई सम्बोधन गर्दैै संघका अध्यक्ष सुमनकुमार श्रेष्ठले वस्तुगत संघबाट प्राप्त सुझावहरुलाई मध्येनजर राख्दै संघले आगामी २ बर्षको लागि तयार गर्नेै योजनामा राखिने बताउनु भयो । उहांले वस्तुगत संघहरुले आफ्ना सदस्यहरुको माग र आवश्यकतालाई मध्येनजर राख्दै कार्यक्रम चयन गर्न अनुरोध गर्दैै कार्यक्रमहरु संघको गुणस्तर नीति सँग मेल खाने हुनुपर्ने बताउंदै प्राप्त सुझावहरुलाई लिपिबद्ध गरि योजनामा राखिने बताउनुभयो ।
सोही कार्यक्रममा संघका वरिष्ठ उपाध्यक्ष चिरञ्जीवी सुवेदीले योजना छनौट गर्दा त्यसको आयोजना गर्न सकिने मात्र कार्यक्रमलाई छनौट गर्नुपर्ने बताउनु भयो ।
संघका प्रथम उपाध्यक्ष राजेन्द्र ओलीले वस्तुगत संघले कार्यक्रम छनौट गर्दा आफुले गर्न नसक्ने तर उद्योग वाणिज्य संघ मार्फत गर्न मिल्ने कार्यक्रम मात्र छनौट गर्न अनुरोध गर्नुहूंदै कार्यक्रमको सफलताको कामना गर्नुभयो ।
गोष्ठीमा आफ्नो मन्तब्य राख्दै संघका उपाध्यक्ष एवम वस्तुगत संघ समन्वय समितिका संयोजक नारायण प्रधानले यस वर्षको संघको कार्ययोजनामा प्राथमिकताको आधारमा सबै वस्तुगत संघका कार्यक्रमलाई समेटिने बताउनु भयो । संघमा आवद्ध ३६ वटा वस्तुगत सघबाट सहभागी रहेको उक्त कार्यक्रममा संघका कार्यकारी निर्देशक निलबहादुर केसीले सहजीकरण गर्नु भएको थियो । कार्यक्रम भरपुरमहानगरपालिका वडा नं ४ स्थित ग्यालेक्सी गार्डेन रिसोर्टमा सम्पन्न भएको हो । कार्यक्रममा संघका पदाधिकारी, वस्तुगत संघका अध्यक्ष एवम् प्रतिनिधि लगायतको सहभागिता रहेको थियो ।
कर सम्बन्धि कर शिक्षा कार्यक्रम सम्पन्न
उद्योग वाणिज्य संघ चितवनले पूर्व योजना तर्जुमा गोष्ठिको अवसरमा कर शिक्षा सम्बन्धि अभिमुखिकरण कार्यक्रम समेत सम्पन्न भएको थियो । ३६ वटा वस्तुगत संघका प्रतिनिधको उपस्थितिमा उक्त कार्यक्रम आयोजना गरिएको हो । अभिमुखिकरण कार्यक्रमलाई सम्बोधन गदैै संघका अध्यक्ष सुमनकुमार श्रेष्ठले व्यवसायीले सरकारले लिएका कर सम्बन्धी नयाँ नीति, छुटको व्यवस्था लगायतका बिषयमा व्यवसायीलाई जानकारी दिने उद्देश्यले कार्यक्रमको आयोजना गरिएको बताउनु भयो । उहाँले आन्तरिक राजश्व कार्यालयमा आफ्ना उद्योगी व्यवसायीहरुका कर सम्बन्धी समस्या समधान गर्न हेल्प डेक्स राख्न लागिएको समेत जानकारी गराउनु भएको थियो ।
सोही कार्यक्रममा बोल्ःदै आन्तरिक राजश्व कार्यालय भरतपुरका प्रमुख कर अधिकृत निरन भट्टराईले उद्योगी व्यवसायीहरुको कर सम्बन्धी समस्या समधान गर्न हेल्प डेक्स सञ्चालन गर्न लागेकोमा खुसी व्यक्त गर्दै उहाँले कर सम्बन्धी कुनै जटिलता सिर्जना भएमा सहजीकरणको लागि आफु सहयोगका लागि सदैव तत्पर रहेको बताउनु भयो ।
सोही काय्र्रक्रममा संघका वरिष्ठ उपाध्यक्ष चिरञ्जीवी सुवेदीले कर शिक्षा सम्बन्धि कार्यक्रमहरु आन्तरिक राजश्व कार्यालयको समन्वयमा आगामी दिनहरुमा निरन्तर गरिने बताउनु भयो ।
कार्यक्रममा आन्तरिक राजश्व कार्यालय भरतपुरका तर्फवाट कर अधिकृत खडानन्द पाण्डे र भरतपुर महानगरपालिकाको तर्फबाट कर अधिकृत रमेश जोशीले प्रशिक्षकको भूमिका निर्वाह गर्नुभएको थियो । संघका वरिष्ठ उपाध्यक्ष चिरञ्जीवी सुवेदीले धन्यवाद ज्ञापन सहित सम्पन्न भएको कार्यक्रम संघका कार्यकारी निर्देशक निलबहादुर केसीले सञ्चालन गर्नुभएको थियो ।
