१३ भाद्र, सोमबार
रत्ननगर, चितवन
नेपाली नारीहरुको महान चाड हरितालिका तीजको पावन अवसरमा लुम्बिनी बिकास बैंक टाँडी शाखाले चेलीवेटीहरुको लागि मेहेन्दी लगाउने कार्यक्रम आयोजना गरेको हो । कार्यालय परिसरमा आज सोमबार आयोजित कार्यक्रममा महिलाहरुको रुचिपुर्वक उत्साहजनक सहभागीता रहेको शाखा प्रवन्धक सन्तोष श्रेष्ठले जानकारी दिएका छन । तीजमा लगाईने मेहेन्दीको सामाजिक एवं सांस्कृतिक महत्व रहनुका साथै नारीहरुको भावना संग गहिरो सम्वन्ध रहेकाले संस्थागत सामाजिक उत्तरदायित्व अन्तर्गत संस्कृति जगेर्नाको अभिप्रायले कार्यक्रमको आयोजना गरिएको श्रेष्ठले बताए ।
लुम्बिनी बिकास बैंकले देशभरी ८६ बटा शाखा संजाल मार्फत अत्याधुनिक बैंकिङ सेवा प्रदान गर्दै आईरहेको छ ।