चर्चा बटुल्दै रक्षक राई र मेचु धिमालको चौबन्दी चोलीमा [भिडियो ]

काठमाडौं । रियालीटि शो द भ्वाईस अफ नेपाल बाट एकाएक चर्चामा आएकी मेचु धिमाल एवम भोजपुरमा जन्मघर भएता पनि पुर्वाञ्चलकै ईटहरीलाई कर्मथलो बनाउँदै आएका रक्षक राईको स्वरमा रहेको”चौबन्दी चोलीमा त्यो मिठो बोलीमा” बोलको गीतको भिडियोले चर्चा कमाई रहेको छ । सार्वजनिक भएको छोटो समयमा नै यो गीतको भिडियो चर्चामा रहेको हो । बुवा भिम कुमार राई र आमा मन माया सुब्बाबाट जन्म लिएर ३ वर्षदेखि साँगीतिक क्षेत्रमा लाग्दै गर्दा हालसम्म ३२ भन्दा बढी गीतमा स्वर दिएका रक्षक र मेचु धिमालको स्वरमा चौबन्दी चोलीमा त्यो मिठो बोलीमा बोलको पुर्बेली लोकभाकाको गीतको भिडियो सार्वजनिक भएको हो ।

राजकुमार याक्खा र देवेन्द्र दिलदुखीको शब्दमा डिबी कुलुङले संगीत गरेको यस गीतको संगीत संयोजन, रेकर्डिङ तथा मिक्सीङ रुद्र श्रेष्ठले गरेका छन् । हाल स्टुडियोमा छायाँकन गरिएको भएता पनि चाँडै यसको कथानक भिडियो पनि निर्माण गरिने पुर्वाञ्चल डिजिटल रेकर्डिङ स्टुडियोका सञ्चालक रुद्र श्रेष्ठले बताएका छन् ।