काठमाडौं, नेपाल – डोको एपले ‘ Capture your World “ विषयवस्तुमा फोटोग्राफी प्रतियोगिता सुरु गरेको छ । नेपालमा हालसम्मकै सबैभन्दा ठुलो र सर्वाधिक पुरस्कार राशीको मोबाईल फोटोग्राफी प्रतियोगिता दाबी गर्दै डोको एपले फोटोमा आफ्नो खुशी र भविष्य देख्ने सम्पूर्णलाई प्रतियोगितामा सहभागी हुन आव्हान गरेको छ ।
यो प्रतियोगिता २०२४ सालको अंग्रेजी नयाँ वर्षबाट शुरू हुनेछ र नेपाली नयाँ वर्षसम्म चल्ने छ । प्रतिस्पर्धामा सहभागी हुन चाहने फोटोग्राफरहरूले आफ्नो उत्कृष्टता र कलात्मक पहिचानले भरिएका फोटोहरू डोको एप मा रहेको फोटोग्राफी सेक्सनमा गएर अपलोड गर्न सक्नेछन् । तीन महिना पन्ध्र दिन चल्ने यो प्रतियोगितामा फोटोग्राफीको विविधतालाई ध्यानमा राखी, निम्न श्रेणीहरूमा प्रतिस्पर्धा गराइएको छ |
- पोट्रेट फोटोग्राफी (Portrait Photography)
- स्ट्रीट एण्ड अर्बान एक्स्प्लोरेसन फोटोग्राफी (Street and Urban Exploration Photography)
- फेस्टिभल एण्ड कल्चरल फोटोग्राफी (Festival and Cultural Photography)
- नेचर एण्ड वाईल्ड लाईफ फोटोग्राफी (Nature and Wildlife Photography)
- म्याक्रो फोटोग्राफी (Macro Photography)
- नाईट एण्ड एस्ट्रो फोटोग्राफी (Night and Astrophotography)
- ट्राभल एण्ड एडभेन्चर फोटोग्राफी (Travel and Adventure Photography)
- ब्ल्याक एण्ड व्हाईट फोटोग्राफी (Black and White Photography)
- फेसन एण्ड ग्ल्यामर फोटोग्राफी (Fashion and Glamour Photography)
- फुड फोटोग्राफी (Food Photography)
कुल पुरस्कार राशी दुई लाख पच्चिस हजार रुपैँया रहेको यो प्रतियोगितामा विजयी बन्ने फोटोग्राफरले पहिलो पुरस्कारमा एक लाख रुपैयाँ, दोस्रो पुरस्कारमा पचास हजार रुपैयाँ, र तेश्रो प्रतियोगीले पच्चिस हजार रुपैयाँ पुरस्कार जित्नेछन् । यसैगरी प्रत्येक श्रेणीको विजेताले थप पाँच-पाँच हजार रुपैयाँ पनि जित्नेछन् । एकजनाले प्रत्येक क्याटेगोरीमा तीन -तीन वटा गरेर बढीमा ३० वटा सम्म फोटो पठाउन सक्नेछन् । विजेताको छनोट डोको एपमा अपलोड भएको फोटोमा आउने लाईकलाई पचास प्रतिशत र जजको मुल्याङ्कनलाई पचास प्रतिशत मानेर गरिनेछ । विजेताको घोषणा वैशाख १५ गते डोकोका सबै प्ल्याटफर्मबाट लाईभ मार्फत हुने जनाएको छ ।
डोकोले यस प्रतियोगिता मार्फत नेपाली फोटोग्राफीमा रुची भएका युवाहरुको लागी आफ्नो कला देखाउने साथ साथै पैसा कमाउने अवसर पनि लिएर आएको जनाएको छ ।
यो प्रतियोगिताको बारेमा बिस्तृत जानकारी लिन यो भिडियो पनि हेर्न सक्नुहुनेछ ।