काठमाडौँ । डेढ वर्ष अघि अध्ययनका लागि अमेरिकाको युटा पुगेका नुवाकोट जिल्लाका २० वर्षीय कुशल अर्याल पाँच दिनदेखि सम्पर्कविहीन भएका छन् ।

कुशल हालसम्म परिवार र साथीहरूसँग सम्पर्कमा आएका छैनन्, र उनको फोन पनि निरन्तर बन्द छ ।

उनी अन्तिम पटक आफ्नै साइकलमा बाहिर निस्किँदा देखिएका थिए। परिवारका अनुसार, कुशलले विगतमा प्रायः “युटाह जान मन छ” भनेर उल्लेख गर्ने गर्थे । युटाह आसपासमा बस्ने सबैलाई खाेजीकार्यमा सहयोगका लागि अनुरोध गरिएको छ ।

कुशलको खोजीका लागि स्थानीय प्रहरीले हराएको उजुरी दर्ता गरी सक्रिय रूपमा अनुसन्धान अघि बढाइरहेको जानकारी प्राप्त भएको छ ।

कसैले कुशललाई वा उनको साइकललाई कतै देख्नुभएको भए, कृपया तुरुन्तै फोन वा सन्देशमार्फत ८३२–४२५–६१४९ नम्बरमा सम्पर्क गर्न अनुरोध गरिएको छ ।